Një telefonatë ndaloi makinën e viktimës Malko pak sekonda përpara se ta qëllonin?

Detaje të reja dalin nga vrasja e ish-policit 26-vjeçar Santiago Malko, i cili u ekzekutua dy ditë më parë në kryeqytet.

Një provë e rëndësishme janë cilësuar dy aparatet celularë të viktimës, të cilët janë sekuestruar dhe po zbërthehen për të zbuluar komunikimet e tij të fundit.

Policia ka sekuestruar kamerat e sigurisë të lavazhit afër vendit të krimit.

Automjeti i viktimës ka qenë duke lëvizur në rrugën “Xhanfize Keko”, në drejtim të zonës së Freskut.

Ai është ndjekur gjatë gjithë rrugës nga një mjet tjetër me të cilin lëviznin autorët e vrasjes.

Kur ka qenë para lavazhit, për arsye ende të paqarta për policinë, mjeti i 26-vjeçarit Malko ka frenuar.

Në ato momente, atentatorët kanë kaluar paralel dhe kanë qëlluar në drejtim të të riut.

Ai ka tentuar të largohet duke rivënë mjetin në lëvizje, por nuk ka mundur të ecë gjatë, pasi ka humbur jetën nga breshëria e plumbave dhe mjeti i tij është përplasur me një mur rrethues.

Dyshohet se në momenrivëtin kur makina e viktimës ka ndaluar, 26-vjeçari ka marrë një telefonatë.

Pak minuta pas ngjarjes së rëndë, policia gjeti në fshatin Ferras një mjet të djegur, i cili iu përkiste autorëve të vrasjes.

Ai ishte me targa false dhe rezulton i vjedhur në Qarkun e Lezhës një vit më parë.

b.b/dita