Gazetari i TPZ në Prokurori: Ja pse vendosa të mos e transmetoj audion e Babales

Lidhur me çështjen “Babale” është thirrur nga Prokuroria për të dëshmuar edhe gazetari Ylli Rakipi. Ai është shprehur se ka pasur dijeni për këtë informacion investigues që akuzon vëllain e ish ministrit të Brendshëm, por ka shtuar se në momentin që është njohur me këtë material të sjellë nga gazetari përkatës ka vendosur të mos e transmetojë pasi nuk i ishte dukur i vërtetë. Rakipi ka nënvizuar se ka pasur dyshime shumë të forta për vërtetësinë e këtij materiali.

“Nuk mundet ta bëja pasi nuk ishte me standardet e një gazetarie normale”, citohet të jetë shprehur gazetari Rakipi, i cili ndonëse njihet si një nga kritikët e hapur të qeverisë “Rama”, ka vendosur që të mos e transmetojë në emisionin e tij materialin e servirur më pas nga PD përmes gojës së Salianjit, Alibeajt dhe Bardhit.

Ylli Rakipi mësohet të ketë shkëmbyer edhe një sërë batutash me prokurorët e çështjes, teksa i tregonte se si ja servirën këtë material “audio” për të sulmuar ish kreun e reformës në drejtësi, dhe që vendosi të mos e bëjë publike për shkak të dyshimeve që pati mbi vërtetësinë e saj.

e.ll./dita