Plagos nipin me thikë, për motive të dobëta

Një ngjarje tjetër e rëndë është shënuar këtë të mërkurë në Peshkopi.

Sipas njoftimit të policisë, shtetasi A.T, 47 vjeç, banues në Peshkopi, për motive të dobëta ka plagosur me thikë nipin e tij, shtetasin A.T, 39 vjeç, i cili po merr ndihmë mjekësore në spitalin e qytetit, dhe fatmirësisht është jashtë rrezikut për jetën.

Falë sinjalizimit të qytetarëve, të cilët kanë njoftuar forcat policore përmes numrit 112, është reaguar menjëherë dhe është parandaluar përshkallëzimin e konfliktit i cili mund të kishte pasoja edhe më të rënda.

Shërbimet e Policisë kanë kapur dhe arrestuar në flagrancë autorin e ngjarjes.

Grupi hetimor ka sekuestruar në cilësinë e provës materiale thikën me të cilën autori ka kryer plagosjen.

Materialet hetimore do ti referohen Prokurorisë Dibër për hetime të mëtejshme.

e.ll./dita