Helmohen 19 nxënës të një shkolle në Shkodër, përfundojnë në spital

19 nxënës të shkollës 9-vjeçare në Postribë të Shkodrës kanë shfaqur shenja helmimi.

Mësohet se nxënësit e moshës 15-16 vjeç janë helmuar ditën e djeshme dhe 4 prej tyre janë ende në spital.

Ata kanë pasur simptoma marrje mendsh dhe të vjella.

Dyshohet se shkak i helmimit është ushqimi i një “fast food-i” aty pranë.

Rasti po hetohet nga AKU dhe ISSH.

Sipas bluzave të bardha 15 nxënës pasi kanë marrë mjekim janë larguar menjëherë drejt shtëpive, ndërsa katër prej tyre vijojnë të mbahen në mbikëqyrjen e mjekëve.

j.l./ dita