Pas takimit me një prej përfaqësuesve të serbëve të Kosovës, Nenad Rashiç, kandidati i Lëvizjes Vetëvendosje për kryeministër, Albin Kurti tha se arsyeja e takimit ishte për tu informuar nga afër se si ka qenë procesi zgjedhor i 6 tetorit në zonat serbe.
Ai ka thënë se Rashiç ishte i zhgënjyer me procesin zgjedhor në vendbanimet me shumicë serbe në Kosovë.
Ndërsa në lidhje me një ofertë potenciale për një koalicion, as Kurti as Rashiç nuk janë prononcuar. Por Kurti e cilësoi Rashiç si një ndër serbët e Kosovës më të ndershëm, për sa kohë ka qenë pjesë e institucioneve të Kosovës.
Në vijim, Kurti iu referua edhe diskutimeve për koalicion qeverisës me LDK-në, duke u shprehur se javën e ardhshme pritet të diskutojnë grupet e punës për harmonizim të programeve.
e.ll./dita