Përshëndetja ushtarake gjatë dy ndeshjeve, UEFA nis hetimin për Turqinë

UEFA ka nisur hetimin disiplinor për nderimin ushtarak të futbollistëve turq në ndeshjet me Shqipërinë dhe Francën.

Një inspektor është ngarkuar nga Komisioni i Etikës dhe Disiplinës për të shqyrtuar këtë gjest me motive politike. Lojtarët turq pranuan se veprimi i tyre ishte për nder të ushtarëve që po luftojnë me kurdët në veri të Sirisë.

Ky gjest ngjalli polemika, madje ministrja e Sporteve e Francës kërkoi një dënim ekzemplar të skuadrës turke nga UEFA.

Pritet të shihet se cilat do të jenë masat që do të marrë Komisioni i Disiplinës, pasi në njoftimin e saj UEFA do të shprehet pas përfundimit të hetimit.

j.l./ dita