Gjëmoi toka-gjëmoi deti,
në mëngjes kur ra tërmeti,
xhan-moj Shqipëri-ç’të gjeti,
në buzë kënga të mbeti.
U plagos gjithë Shqipëria,
çdo shtëpi e mbuloi zia,
ramë në tokë e ulëritëm,
po në çast në këmbë u ngritëm!
Mos më qaj-moj Shqipëri,
mbahu fort se ke fuqi,
se ke djem e vajza plot,
se ke miq e shokë në Botë!
U drodh zemra-po nuk mbeti,
fuqinë titanike gjeti,
që mban gjallë shpresat dhe ëndrrat,
edhe kur plagosen zemrat!
Gjithë zemrat shqiptare,
u bënë një zemër e madhe,
nga shpresa dhe dashuria,
do rilindi Shqipëria!
Dritë e zemrave shqiptare,
u bë diell përmbi male,
nga shpresa dhe dashuria,
në mëngjes lindi fëmija!
Mbahu fort-moj Shqipëri,
si zakoni që ke ti,
shqiponjën përmbi flamurë,
e keqja s’e mposhti kurrë!
Si dy sytë të pandarë,
tok me vllezërit kosovarë,
tani Bota e ka parë,
se ç’bën populli shqiptar!
U shkrua me gërma ari,
rron-or rron e s’vdes shqiptari,
fjala profetike thotë:
“Ajo qe s’të vret të bën më të fortë!..”
Arben Duka
*Shënim i autorit-Disa nga strofat e kësaj balade janë përdorur për krijimin e këngës me të njëjtin titull,e cila ka dy ditë që është publikuar nga Folk plus,BBF,Jutub e të tjera.Kënga këndohet nga dyshja brilante dhe shumë e suksesëshme YLLI BAKA dhe ERA RUSI. Kompozimin e ka bërë KLODIAN QAFOKU,një nga kompozitorët më në zë të ditëve tona,fitues i tri çmimeve të para në festivalet e RTSH-së.Mos e humbisni rastin ta dëgjoni këtë këngë,është një perlë e vërtetë. Vetëm tek “Arkiva shqip” është ndjekur nga më shumë se gjysëm milionë shqiptarë vetëm për dy ditë. Dueti tjetër “Dasma ime” e këtyre dy këngëtarëve ka shkuar mbi 16 milionë shikime. Kjo shifër është e pritshme dhe këngën e sapo publikuar.
Hera e pare qe po me pelqen ky poeti.Nuk I Ka flute politik.
Vargjeve te Tua i nderuari Duka, kengetaret i dhane zemren dhe shpirtin e jetes per te jetuar,e bane te gjalle.
Melodi melankonike por edhe e forte kurrajose per te ardhmen per te mos iu gjunjezue natyres nga dashuria e njeiurt per njerin dhe jete,aty lindi femija mbi germallat e termetit.Shqiperia jeton.
te lumte qazo
Beno,
jom qefi poezish ene kom lexu qysh n’rinie time t’hershme ene me thon t’drejten e kom t’munimshme me si me ta sill nji fjale, pa tendence, me i emertu vargjet tuja ne vjerrsha apo poezi.
Por vallahi nji me ate, le t’a thomi poezine, para ksajta m’a ke ftof menien. E mer vesh tina, per Agron Tufen, emni Zotit e kishe qa! Kom qesh si i thone fjales me lot ene si rralle noi here e kom kexu tri here sikur me qone vargjet e Omar Kahjam-it.
Hajt nashtina, krimtari te mbare!
Gjemoi toka e gjemoi deti,
vertet at dite qe ra termeti,
por Shqiperia e zvogeluar
gjemon nga halle mbuluar,
nga emigrimet e zvogeluar,
nga Ramqenefi e varferuar,
eshte me keq se sa termeti,
ky Rampusht i ketij pushteti
Mos gënjeni njerëzit.Nuk ka asnjë shpresë.
Shqipëria është shtet i vdekur.
Aty komandon korrupsioni,vjedhja,grabitja,mafja.
Kush nuk hyn në keto kategori,të largohet sa me parë.