Banorët e ishujve grekë, ku gjendet një numër i madh i refugjatëve nga Lindja e Mesme, kanë protestuar kundër planeve të qeverisë për t’i zëvëndësuar kampet e refugjatëve me qendra paraburgimi. Protestat u mbajtën në ishujt e Lesbos, Samos dhe Chios.
Protestuesit kërkuan që migrantëve tu lejohet të lëvizin në kontinentin evropian dhe refugjatëve tu lejohet që të largohen nga vendi. “Ishujt nuk mund të jenë burgje. Së bashku me migrantët dhe refugjatët edhe ne jemi duke u burgosur”, tha Stratis Ververis, një nga protestuesit, shkruan Rel.
Më shumë se një milionë migrantë janë larguar nga konfliktet në Lindjen e Mesme për në Turqi, dhe nga aty, kanë kaluar në territorin grek. Fluksi më i madh i hyrjeve të migrantëve ndodhi në vitet 2015-2016.
Vitin e kaluar, 59 726 migrantë dhe refugjatë arritën në brigjet e Greqisë, sipas Agjencisë për Refugjatë të Kombeve të Bashkuara. Organizatat humanitare i kanë përshkruar si të tmerrshme kushtet e jetesës së rreth 36.000 njerëzve në kampet greke.
l.h/ dita
Organizatat Jo Qeveritare jane pjese e krimineleve qe merren me kete kontrabande njerezish ne shekullin e 21.Dhe ne kete loje kriminale pjesen e luanit e ka Turqia ,qe I perdor keta te mjere si mish per top.Gjykata Nderkombetare,po te ishte me te vertete ajo qe duhej te ishte ,te gjithe keta mafioze duhej ti denonte me burgim te perjetshem per krime kunder njerezimit.
tragjedi