Luan Krasniqi ka fituar me pikë ndeshjen kundër Uwe Huck, zhvilluar të shtunën në mbrëmje, për qëllime bamirësie. Edhe pse ishte për bamirësi dhe përballë Krasniqit ishte ish-kampioni në taek won do, ka qenë një ndeshje e mirëfilltë boksi dhe njihet nga federatat e këtij sporti, duke shtuar në këtë mënyrë numrin e fitoreve të boksierit shqiptar. Krasniqi, i cili u kthye për herë të parë në ring që nga viti 2008, fitoi me pikë pas zhvillimit të tetë raundeve kundër biznesmenit gjerman. Huck i kishte premtuar luftë të fortë, megjithatë kosovari ishte dukshëm më i mirë dhe në raundin e gjashtë e hodhi knock down kundërshtarin. Një pjesë e të ardhurave shkojnë në ndihmë të fonacionit të fëmijëve në Prishtinë, ndërsa pjesa tjetër për fondacionin bamirës të ngritur nga Huck.