Të hënën Konferenca e Donatorëve për Shqipërinë, zbardhet axhenda

Më 17 shkurt, pritet të zhvillohet Konferenca e Donatorëve në Bruksel për të ndihmuar Shqipërinë për rindërtimin, pas tërmetit të 26 nëntorit, ku humbën jetën 51 persona, rreth 1.000 të tjerë u plagosën, dhe rreth 14,000 njerëz janë të zhvendosur përkohësisht.

Mijëra ndërtesa janë dëmtuar seriozisht, përfshirë shkollat dhe objektet e kujdesit shëndetësor.

BE, shtetet e saj anëtare, partnerët e Ballkanit Perëndimor dhe përfaqësues nga vende të tjera, si dhe nga organizatat ndërkombëtare dhe institucionet financiare ndërkombëtare, përfshirë OKB dhe Bankën Botërore, do të marrin pjesë.

Konferenca Ndërkombëtare e Donatorëve “Së bashku për Shqipërinë” do të fillojë në orën 14.30. Presidentja e Komisionit Evropian Ursula von der Leyen do të kryesojë konferencën në prani të kryeministrit Edi Rama.

Një prezantim i vlerësimit të nevojave pas katastrofës (PDNA) do t’i paraprijë hapjen e konferencës që më pas do të pasohet nga një dalje për mediat.

Mekanizmi i Mbrojtjes Civile të Bashkimit Evropian u aktivizua me kërkesë të qeverisë shqiptare pas tërmetit dhe si rezultat, ekipet e kërkimit dhe shpëtimit u vendosën menjëherë në Shqipëri.

Ndihma në natyrë dhe inxhinierët strukturorë u mobilizuan përmes mekanizmit, si dhe në mënyrë bilaterale nga Shtetet Anëtare të BE-së dhe partnerët nga rajoni.

Ekipi i Mbrojtjes Civile të BE ishte në Shqipëri nga 27 Nëntor deri në 20 Dhjetor dhe koordinoi përgjigjen ndërkombëtare.

Komisioni Evropian njoftoi një grant fillestar prej 15 milion € për rindërtimin e ndërtesave publike me përparësi në takimin e tij të parë në dhjetor.

Bashkimi Evropian, Kombet e Bashkuara, Banka Botërore dhe Qeveria e Shqipërisë kryen një vlerësim të nevojave pas katastrofës (PDNA).

Raporti i vlerësimit të nevojave është si një mjet kryesor udhëzues për konferencën e donatorëve dhe do të shërbejë si bazë për përpjekjet e rindërtimit dhe rehabilitimit. Sipas

Sipas vlerësimeve të qeverisë shqiptare, “fatura” e dëmeve të shkaktuara nga tërmeti i 26 nëntorit të vitit të shkuar i kalon 1 miliard lekë.

Kujtojmë se Holanda i dhuroi Shqipërisë 3 milionë euro për rindërtim, lajm i komunikuar dje përmes ministrit të Jashtëm Stef Blok.

Edhe Turqia ka premtuar se do të ndërtojë 500 njësi banimi në Laç dhe po ashtu do të jetë sërish pjesë e Konferencës së Donatorëve.

Axhenda e konferencës më 17 shkurt

14.30 – 15.00

Hapja dhe mirëseardhja

Fjala përshëndetëse nga Presidentja e Komisionit Evropian, Ursula von der Leyen

Deklaratë e Kryeministrit të Shqipërisë, Edi Rama

Deklarata e Presidentit të Këshillit Evropian, Charles Michel

15.00 – 15.10

Video në lidhje me tërmetin dhe reagimin fillestar të urgjencës, prezantuar nga Komisioneri për Menaxhimin e Krizave, Janez Lenarčič

15.10 – 16.00

Prezantimi i vlerësimit të nevojave pas katastrofës

Prezantimi i vlerësimit të nevojave pas katastrofës – Koordinatore Kombëtare e PDNA, Milva Ekonomi

Prezantimi i mekanizmave financiarë për kanalizimin e fondeve të rindërtimit – Ministri për Rindërtim, Arben Ahmetaj

Deklaratë e Kombeve të Bashkuara – Mirjana Spoljaric, Ndihmës Sekretari i Përgjithshëm i Kombeve të Bashkuara, Asistent Administratori i UNDP, dhe Drejtori i Byrosë Rajonale të UNDP për Evropën dhe CIS

Deklaratë e Bankës Botërore – Linda Van Gelder, Drejtore Rajonale për Ballkanin Perëndimor

Deklaratë e Bashkimit Evropian – Komisioneri Olivér Várhelyi

16.30 – 18.30

Deklarata e Komisionerit për Fqinjësi dhe Zgjerim, Olivér Várhelyi

Deklaratë nga vendet dhe organizatat e tjera të ftuara

18.30 – 18.40

Vërejtje përmbyllëse dhe përfundime – Komisioneri Olivér Várhelyi

18.45 – 19.00

Konference për shtyp

j.l./ dita