Kriza e maskave, Conte-kompanive prodhuese: Furnizoni tregun e brendshëm

“Unë kam parë draftin e urdhrit për të dhënë indikacione kompanive që prodhojnë materiale mbrojtëse. Ata do të duhet të japin përparësi për nevojat italiane për urgjencën kombëtare. Ne po marrim masa të jashtëzakonshme dhe urgjente për të siguruar që prodhimi i këtyre pajisjeve të shkojë për të përmbushur nevojat tona kombëtare”, tha kryeministri italian

Prej ditës së shpërthimit të epidemisë së koronavirusit në veri të Italisë, njerëzit kanë zbrazur raftet e farmacive duke blerë sasi të mëdha maskash dhe dezinfektuesish dhe në një histeri kolektive janë vërsulur edhe në supermarkete për të siguruar sasi të mëdha produktesh ushqimore.