Faqja e njohur analitike, për arrestimin e pronarit të UET: Çfarë duhet kjo avokatia e palaçove të çdo ekrani dhe portali?

Faqja e njohur ResPublica analizon arrestimin e botuesit dhe pronarit të UET Henri Çili dhe reagimet rreth këtij arrestimi.

“Çfarë duhet kjo avokatia e palaçove të çdo ekrani dhe portali?” – thuhet në shënimin e saj.

Shkruan ndër të tjera ResPublica:

“Çili ka qenë gazetar, më pas sipërmarrës, botues dhe një njeri që ka zgjedhur përherë të jetë afër çdo pushteti.

24 orë pas arrestimit të tij në mediat pranë pushtetit, për arsye që nuk ka kurrfarë rëndësie ka nisur një lloj avokatike ndaj tij duke folur për meritat, aftësinë, suksesin dhe atë që ka arritur. Çështja është se kjo avokati tradhëton të gjithë pseudomoralin fals të të njëjtëve njerëz që u kanë grisur bythën njerëzve me vite për reformën në drejtësi. Sesa e mirë është ajo e se çfarë zhvillimi do të sjellë.

Reforma, reforma, reforma deri më dje. Sot kërkojnë që reformën ta kalibrojnë në qitje aty ku u leverdis.

Sigurisht që gjyqi popullor nuk është gjë e mirë. Por në media nuk ka ndodhur ndonjë gjë e tillë për z. Çili, I cili ka të gjithë të drejtën të mbrohet e të sqarojë pozicionin e vet. Dhe ka edhe mundësitë dhe mjetet që ta bëjë këtë lirshëm dhe pa kufizimet që mund të ketë dikush tjetër.

Por deri atëherë funksionon parimi i prezumimit të pafajësisë. Çfarë duhet atëherë kjo avokatia e palaçove të çdo ekrani dhe portali?”