Guvernatori i Venetos, Luca Zaia ka marrë një vendim ekstrem në vazhdën e përpjekjeve për të frenimin e koronavirusit. Zaia deklaroi se në rajonin e tij, do t`i bëhet tampon të gjithë popullatës.
“Duhet të identifikojmë personat që janë pozitivë, por asimptomatikë. Sa më parë ta bëjmë këtë, aq më shpejt do të mund t`i izolojmë. Ne jemi në gjendje të bëjmë 20-25 mijë tampone në ditë dhe rezultatin ta kemi në tryezë brenda katër orësh”, deklaroi guvernatori.
Ai shpjegoi se në 3 mijë tampone kishin zbuluar 66 persona pozitivë pa shenja të sëmundjes. Zaia këshilloi dhe pjesën tjetër të vendit të ndjekë shembullin e tij, por kjo duket e vështirë. Strategjia e tamponëve po funksionin edhe në Korenë e Jugut, ku autoritetet vendase iu përgjigjur ndryshe epidemisë me përmasa të ngjashme.
Ata kanë testuar me qindra-mijëra njerëz dhe i kanë gjurmuar transmetuesit e mundshëm të virusit si detektivë, duke përdorur telefonat mobilë dhe teknologjinë satelitore. Jeremy Konyndyk, nga Qendra e Uashingtonit për Zhvillim Global, thotë se testimi në masë mund t’iu japë vendeve një pamje më të qartë të shkallës së epidemisë.
Të dhënat e grumbulluara deri tani, sipas ekspertëve, tregojnë se testimi agresiv dhe i vazhdueshëm është mjet i fuqishëm në luftën kundër koronavirusit.
O.J/DITA