Një 23-vjeçar është ndaluar nga policia, teksa përpiqej të trafikonte drejt Italisë disa armë. Selim Kaja, nga një fshat i Kavajës është ndaluar pasi gjatë kontrollit në automjetin e tij i janë gjetur tre armë automatike.
Sipas policisë, në autoveturën e tij me targë KJ 7474 A, e cila do të udhëtonte me tragetin e radhës drejt Italisë, u gjetën tre automatikë dhe katër krehëra me nga 30 fishekë secili.
Nga hetimet e para rezulton se njëra prej armëve i është blerë para nisjes 55-vjecarit H. Gj, nga fshati Manskuri, ndërsa dy të tjerat i janë marrë kushëririt J. Xh., 29 vjeç, nga Lushnja dhe rezident në Itali. Këta dy shtetas janë shpallur në kërkim.