WhatsApp do t’ju lejojë për herë të parë që të bëni telefonata në grup me deri 8 persona njëkohësisht. Kjo do të thotë se nuk është më kufizimi prej 4 personash, ndërsa aplikacioni ka pasur konkurrencë së fundmi nga rivalët.
Aplikacionet si Zoom apo FaceTime kanë pasur rritje të përdoruesve së fundmi. Dhe WhatsApp ishte i vetmi që kishte numrin më të vogël të personave që mund të bënin telefonata me video.
Për shembull, FaceTime i Apple ju lejon të bëni një telefonatë me 32 persona, ndërsa Zoom ju lejon që të bëni një konferencë me qindra njerëz në të njëjtën kohë.
Ndryshimi ende nuk është i disponueshëm dhe ende nuk ka një afat se kur do të jetë.