Presidenti Ilir Meta dhe kryetari i PD-së, Lulzim Basha kërkojnë që të mblidhet sërish tryeza e Këshillit Politik për të diskutuar dhe vendosur për nismën për ndryshimet kushtetuese me qëllim hapjen e listave dhe koalicionet.
Kreu i shtetit shprehet se shtysën për këtë ide e mori në mesnatë nga një mesazh i ish-kreut të KQZ-së Kume që i sugjeronte se çdo ndryshim nga marrëveshja e 5 Qershorit duhet të shkonte përsëri në tryezën e Këshillit Politik.
Pa gdhirë, thotë Meta më tej, i kërkoi takim Lulzim Bashës për të mësuar qëndrimin e tij nëse ishte i hapur për këtë ide.
E ndërsa nuk sqaron nëse u bë takimi apo biseduan në telefon, kreu i shtetit tregon se lideri i PD-së i tha se qëndrimin e opozitës e gjen tek deklarata e sekretarit të përgjithshëm Gazment Bardhi, i cili është shprehur se çdo rishikim duhet të parashtrohet dhe vendoset te Këshillit Politik.
“Dje në mesnatë mora një mesazh nga një intelektual i nderuar si Prof.Kristaq Kume. Shqetësimi i tij ishte se duhej bërë çdo përpjekje për të shmangur ndryshime kushtetuese të njëanshme sepse do të ishte një kosto shumë e rëndë për vendin.
Ai sugjeronte se çdo ide për ndryshime nga Marrëveshja e 5 Qershorit duhet të shkonte përsëri në tryezën e Këshillit Politik.
Sot në mëngjes, pa gdhirë mirë, i kërkova takim z.Basha për të parë a ishte i hapur për një ide të tillë. Ai më njohu me qëndrimin zyrtar të Partisë Demokratike dhe Opozitës së Bashkuar që është bërë publik dhe u është njoftuar dhe të gjithë partnerëve të shqetësuar për të ardhmen europiane të vendit tonë.
Jam i bindur se ka kaq shumë intelektualë dhe qytetarë që ndajnë këtë shqetësim si të Prof.Kumes. Për këtë arsye po e ndaj me të gjithë ju këtë qëndrim tepër të përgjegjshëm dhe bashkëpunues të Opozitës së Bashkuar.
PJESË NGA DEKLARATA E SEKRETARIT TË PËRGJITHSHËM TË PD, GAZMENT BARDHI
Nëse Partia Socialiste është vërtet e interesuar për të rihapur diskutimin për çështje të tjera në lidhje me reformën zgjedhore, ajo është e obliguar nga Marrëveshja e 14 Janarit dhe nga Marrëveshja e 5 Qershorit ti parashtrojë ato për diskutime dhe vendimmarrje konsensuale në Këshillin Politik. Çdo diskutim i tillë, sipas Marrëveshjes, NUK mund të vonojë apo pengojë kodifikimin e Marrëveshjes së 5 Qershorit”, shkruan Meta.
j.l./ dita
Po. Duhet vendimi i Byrose Politike,pasi Partia mbi te gjitha. E thoni se s’paska patur te drejte Enver Hoxha,
Kur te dergohet per miratim ne parlament duhet te thuhet: Me vendim te Byrose Politike i paraqesim sot kuvendit qe te ratifikoje kete vendim ,si perfaqesues i popullit,por te veproi sipas porosive te Byrose. Deputet, ju duhet te ngrini vetem doren,me falni, kartonin Jeshil. RRofte PPSH !
Moniken ku ta kesh,ilir floriri sipas kumbar saliut
Shume shpejt do dale dhe propozimi i ri i opozites rrugore qe kerkon pushtet ne tavoline me cdo kusht. Famulltari i dioqezes se shqupit prifti pastor imzot Dorian Telit barkderri eshte ne doren e fundit te draftit te marrjes se pushtetit ne tavoline dhe do e shpalle ne konference tek shqupi.