Një sherr mes fqinjësh ka ndodhur në Patos që ka përfunduar me plagosjen e një prej tyre.
BalkanWeb raporton se dy personat e përfshirë në sherr Alionid Sali dhe Përparim Seati ishin fqinjë por familjet e tyre nuk flisnin dhe ishin në sherr.
Sherri mësohet të ketë filluar nga një prej tyre i cili i është drejtuar tjetrit me fjalët ‘’pse më sheh ashtu’’, teksa ka qenë 31- vjeçari Sali që ka nxjerrë thikën dhe ka plagosur Seatin.
Seati u dërgua menjëherë në sallën e operacionit teksa mësohet se është nën kujdesin e mjekëve.
Ndërsa Alionid Sali u arrestua 6 orë më pas në një fshat të Mallakastrës pasi u largua me automjetin ‘Benz’.
l.h/ dita