Pasditen e sotme ka ndodhur një tjetër ngjarje e rëndë në autostradën Tiranë-Elbasan, ku një automjet është përfshirë nga flakët.
Bëhet me dije se automjeti ka shpërthyer në flakë në momentin që ishte në ecje. Në të po udhëtonin 3 persona ndër to edhe një foshnje. Ngjarja ka ndodhur rreth 300 metra në dalje të tunelit.
Drejtuesi i tij, së bashku me bashkëshorten dhe fëmijën e tyre, kanë zbritur menjëherë nga automjeti dhe kanë njoftuar shërbimin zjarrfikës të Elbasanit, që ka shkuar menjëherë, duke arritur të shuajë flakët.
Sakaq, policia ka shkuar në vendin e ngjarjes dhe ka nisur hetimin për zbardhjen e plotë të saj, por paraprakisht mendohet se zjarri ka shpërthyer si pasojë e një defekti të automjetit.
Kujtojmë gjithashtu se një aksident tragjik ka ndodhur mbrëmjen e djeshme, në dalje të tunelit në të njëjtin aks, Tiranë-Elbasan, ku për pasojë kanë humbur jetën dy vajza, ndërsa dy të tjera kanë mbetur të plagosura.
h.b/ dita