39 vjeçari Armando Baboçi ka humbur jetën mbrëmjen e së premtes në Durrës, ndërsa djali i tij 19 vjeçar Erald Gjini (ka ndryshuar mbiemrin) mbeti i plagosur.
Dinamika e ngjarjes mbetet ende për t’u sqaruar.
Sipas policisë, babë e bir janë qëlluar pas një konflikti të çastit.
Dëshmitarët thanë se panë 39 vjeçarin të përpiqej të largohej me makinë bashkë me djalin, por makina është përplasur.
Pas kësaj, babë e bir kanë dalë nga makina dhe janë konfliktuar me një grup prej disa personash që po i ndiqnin.
Në vendngjarje janë gjetur një shkop bejsbolli dhe sende të forta çka dëshmon për një grindje fizike që më pas ka degjeneruar në përdorimin e armëve të zjarrit.
Njoftimi paraprak i policisë (nuk flet për viktima)
Më datë 18.09.2020, rreth orës 20:00, në lagjen nr.13. Durrës, pas një konflikti të çastit me mjete të forta e më pas me armë zjarri midis disa personave, janë plagosur me armë zjarr shtetasit A.B., dhe E.Gj., të cilët ndodhen në spital nën kujdesin e mjekëve, jashtë rrezikut për jetën.
Falë reagimit të menjëhershëm të Policisë, janë shoqëruar në Drejtorinë Vendore të Policisë Durrës 6 shtetas dhe mes tyre është autori i ngjarjes, por nuk jepen të dhëna për shkak të hetimit.
Grupi hetimor ndodhet në vendngjarje dhe po punon për zbardhjen e ngjarjes.
e.sh/Dita
Allbania urupiane histori suksesi
Policia qe duam.Si mund te jete konflikt i çastit kur perfsihen 2 familje dhe mbi te gjitha njera e pregatitur me arme te ftohta e te ngrohta !