PD publikon listën me 26 kandidatë për deputetë në qarkun e Beratit, mungon emri i ish-ministrit

Anëtarësia e Partisë Demokratike do të zgjedhë ditën e hënën kandidatët për deputetë në Qarkun e Beratit.

PD njofton se në Berat janë 28 kandidatë potencialë, të cilët do të votohen nesër, prej ku demokratët kanë të drejtë të votojnë listën në bllok ose të kontestojnë një emër.

Në listën e PD-së mungon emri i ish-ministrit të Drejtësisë, Eduard Halimi.

Ai në shkurt të 2018-s dorëzoi mandatin e deputetit për t’u angazhuar në një projekt ndërkombëtar, edhe pse përflitej se ishte larguar për shkak të disa pakënaqësive në PD. Demokratët tashmë kanë përjashtuar edhe Lefter Maliqin, i cili u zgjodh nga listat e PD-së, por që refuzoi ta merrte mandatin pas bojkotit dhe dorëzimit në bllok të mandatëve.

Maliqi tashmë pritet të kandidojë në radhët e LSI në zgjedhjet e ardhshme parlamentare.

Pas përfundimit të procesit të konsultimit me anëtarësinë, kandidatët e konfirmuar i nënshtrohen vlerësimit përfundimtar të Komisionit në fazën e tretë.

Anëtarët e komisionit votojnë bazuar, kryesisht, në vlerësimin e performancës politike të kandidatit dhe mundësinë e maksimalizimit të votës. Pas këtij vlerësimi përfundimtar, lista me kandidatët që kalojnë fazën e tretë i dorëzohet për vendimmarje finale Kryesisë së Partisë Demokratike.

Njoftimi i PD:

Demokratët e Qarkut të Beratit do të votojnë të hënën për kandidatët e propozuar nga anëtarësia, të cilët kanë kaluar filtrin paraprak të verifikimit nga Komisioni i Vlerësimit të Kandidatëve. Qarku i Beratit, me 8 mandate, ka një numër të madh kandidatësh potencialë për deputetë. Në garën e parë tek anëtarësia janë 26 emra për të cilët, sipas degës ku kandidojnë, demokratët kanë të drejtë të votojnë listën në bllok ose të kontestojnë një emër.

Dega Berat

 

1.AFIZE SKENDO

2.ALKETA MUKAVELATI

3.ARENC BERATI

4.ASTRIT VELIAJ

5.DENIS SAHATCIU

6.DRITAN HAZINEDARI

7.ENO QANA

8.KASEM MAHMUTAJ

9.MUHARREM HOXHA

10.NAMIR LAPARDHAJA

11.OLTION MERDARI

 

Dega Poliçan dhe Skrapar

 

1.ANILA KORONI (POLIÇAN)

2.BAKI BIRAKU (SKRAPAR)

3.PELLUMB NAKO (POLIÇAN

4.RIGERT KAPLLANI (SKRAPAR)

5.ZIJA ISMAILI (SKRAPAR)

 

Dega Ura-Vajgurore

 

1.BUJAR HOXHAJ

2.FERDI BRAHUSHI

3.LEDIAN DAJA

4.LILJANA BICA

5.MONIKA QOSJA

 

Dega Kuçovë

 

1.ARDIT BENJA

2.DITAR QEVANI

3.FADIL MARA

4.MYSLIM HAXHI

5.SOFIKA JANI

 

Kandidatët e 2017

 

EDUARD HALIMI

ASTRIT VELIAJ

LEFTER MALIQI

BUJAR HOXHAJ

MYSLIM HAXHI

JUVINA JANI

MONIKA QOSJA

j.l./ dita