“Vjeshta kërkon më shumë angazhim”/ Vijojnë kufizimet, miratohet protokolli i sigurisë (Udhëzuesi)

Ditën e sotme, Komiteti Teknik i Ekspertëve ka miratuar protokollet e sigurisë për hapjen e bareve, restoranteve dhe pishinave në ambientet e mbyllura.

Lajmin e ka bërë të ditur Ministrja e Shëndetësisë dhe Mbrojtjes Sociale, Ogerta Manastirliu, e cila përmes një video mesazhi ka theksuar se respektimi i protokolleve të sigurisë është kusht i panegociueshëm.

Sakaq, u bë me dije se do të vijojnë të mbeten të mbyllura sipas Aktit Normativ të miratuar në muajin korrik, të gjitha klubet e natës, lounge-bar, pub-e, diskot apo veprimtari të këtij lloji.

“Një punë e madhe është bërë në terren nga koordinatorët e shkollave për të ndjekur dhe trajtuar çdo rast të konfirmuar. Të mos neglizhohet në asnjë ditë kujdesi. Periudha e vjeshtës kërkon më shumë angazhim. Gjatë këtyre muajve kemi bërë maksimumin.

Kemi siguruar mjetet e mbrojtjes personale për stafet tona mjekësore, furnizimet e nevojshme dhe medikamente në spitalet Covid, kemi përgatitur për çdo eventualitet, dyfishimin e kapaciteteve në shtretër duke përfshirë edhe spitalet rajonale, kemi shtuar testimet, gjurmimin dhe kemi fuqizuar ekipet e epidemiologëve të terrenit, për të zbatuar sa më me efikasitet strategjinë tonë të kufizimit të përhapjes së koronavirusit”

Komiteti Teknik miratoi protokollet për rihapjen duke filluar nga 1 tetori, të bareve, restoranteve dhe pishinave në ambientet e brendshme. Respektimi i rregullave është kusht i panegociueshëm, që ekonomia të mos cenohet nga kufizimet e detyruara. Do të vijojnë mbyllur, klubet e natës, pub-et dhe diskot. Policia do të inspektojnë zbatimin e masave dhe do të ndërmarrin masat në rast të shkeljes së protokolleve,” tha ministrja.

Ndërkohë, hapja e pishinave më 1 tetor sjellë edhe përcaktimin e protokolleve të sigurisë anti-COVID ku theksohet se në fillim të protokollit të sigurisë për pishinat e mbyllura është se evidentimi qoftë edhe të një rasti të vetëm në strukturat e tyre do të sjellë mbyllje të aktivitetit.

Më poshtë mund të gjeni udhëzuesin e plotë për masat anti-COVID.

Udhëzuesi i plotë për masat anti-COVID për pishinat (Kliko këtu)

h.b/dita