Sot, Ambasada shqiptare në Greqi ka publikuar një njoftim tepër të rëndësishëm për qytetarët shqiptarë në rrjete sociale ku ka bërë me dije se ka ndryshuar procedurën e aplikimit dhe marrjes së pasaportave dhe mjeteve të identifikimit.
Sakaq, në njoftim thuhet se data e takimit jepet për 10 ditë pune nga momenti i aplikimit dhe shpërndarja e pasaportës realizohet për 4 javë.
“Të nderuar bashkatdhetarë, duke filluar nga data 27 korrik 2020 Ambasada e Republikës së Shqipërisë në Athinë ka kryer procedurat për pajisje me pasaportë për 19.331 shtetas. Gjithashtu në këtë hapësirë kohore janë shpërndarë 18.575 dokumente biometrike.
Më e rëndësishmja në këtë iniciativë është fakti se sot data e takimit jepet për 10 ditë pune nga momenti i aplikimit dhe shpërndarja e pasaportës realizohet për 4 javë. Brenda muajit tetor 2020 koha e pritjes për marrjen e shërbimit do të shkurtohet në 5 ditë pune dhe në total pasaportat do të dorëzohen për 3 javë” shkruan Ambasada.
h.b/dita
Duhet bere rremuje qe te rregullohen gjerat?
Filloi fushata elektorale dhe frika se mos i heqin.
Kjo mund te perbeje vetem nje te qindeten e detyrimeve te perfaqesive tona diplomatike ndaj shtetasve shqiptare , qe ua kane nxire jeten bashkeatdhetareve ne emigracion !