Fondi Monetar Ndërkombëtar ditën e sotme kërkoi nga vendet e pasura që këta të fudit të rrisin investimet e tyre publike dhe kjo gjë, për arsye që të përshpejtohet rimëkëmbja ekonomike e prekur nga pandemia e COVID-19.
Sipas institucionit të Uashingtonit, rritja e investimeve publike me 1% të PBB-së gjatë dy viteve të ardhshme do të stimulojë rritjen me 2,7%, investimet private me 10% dhe punësimin me 1,2 %, me kusht që investimet të jenë me cilësi të lartë.
Sakaq, FMN theksoi se për BE-në kjo do të krijojë dy deri në tre milionë vende pune, kurse për SHBA-në rreth dy milionë vende pune.
“Bota është në recesion por ne jemi në një situatë të paparë me kosto shumë të ulët huazimi, infrastrukturë të shkatërruar, përfshirë ekonomitë e përparuara dhe shumë njerëz të papunë, të cilët kanë nevojë të punojnë”, tha një nga drejtuesit e Departamentit të Çeshtjeve të Buxhetit të FMN-së, Paolo Mauro.
“Investimet publike mund të sigurojnë këtë mbështetje të nevojshme për aktivitetin ekonomik dhe krijimin e vendeve të punës”, shtoi ekonomisti, i cili paraqiti një kapitull të raportit mbi mbikëqyrjen buxhetore, përpara takimeve të vjeshtës së FMN-së.
h.b/dita