Vllaznia pushtohet nga koronavirusi. Pas Erdenis Gurishtës dhe Eni Imami, një tjetër prej kuqebluve ka rezultuar pozitiv pas testit të bërë. Bëhet fjalë për zëvendëstrajnerin Elvis Plori, i cili është izoluar dhe gjendja shëndetësore e tij është e qëndrueshme.
E njëjta gjë vlen edhe për dy mbrojtësit. Përgjithësisht futbollistët e kanë kaluar pa probleme koronavirusin dhe kështu pritet të ndodhë edhe me Gurishtën, Imamin dhe trajnerin Plori, por frika më e madhe është se mos edhe ndonjë tjetër është i infektuar dhe mund ta përhapë në skuadër.
Në Superiore ka pasur edhe raste të tjera me COVID-19. Sezonin e shkuar i testua pozitiv shkodrani Eridon Qardaku. Për sulmuesin anësor u pretendua se përgjigja e testit kishte qenë gabim dhe pas testit tjetër disa ditë më pas ai doli negativ.
Eljon Sota është një prej atyre që e ka kaluar pa simptoma. Atij iu zbulua diçka e tillë kur kreu testet serologjike gjatë grumbullimit të shtatorit me Shqipërinë U21. Analizat i nxorën antitrupa të COVID-19, ndërkohë që pas testit të bërë më pas doli negativ.
o.j/dita