Dy Koçe dhe një Desarë për PD-së

Dy gëzime në një ditë për Dasarën: edhe ditëlindja e partisë, edhe e saj

Në ditëlindjen e 23 të Partisë Demokratike nuk mund të mungonte një nga militantet më të zjarrta të kësaj partie, mbesa e ish-kryeministrit, Dasara Malltezi. Ajo është shfaqur në shoqërinë e gjyshit të saj, por edhe të shumë miqve dhe mikeshave. Madje ajo ka qenë edhe me motrat më të zjarrta të partisë, motrat Koçi. Në profilin e saj personal në Facebook, “mbesa” ka postuar një foto me Enin, e cila nuk i është ndarë partisë dhe familjes Berisha që kur ka filluar të këndojë për herë të parë. Të paktën është besnike… i qëndron vijës së partisë pavarësisht “shkëlqimit” të saj. Ndërsa në një foto tjetër, Berisha shfaqet me Gretën dhe me Dasarën. Me pak fjalë, e kanë myt. Për të mos folur pastaj që kjo ditë për Dasarën ishte nga ato: dy gëzime në një ditë. Ditëlindja e partisë dhe ditëlindja e saj. A ka më bukur? Duket sikur e kanë programuar edhe lindjen e vajzës së familjes…