Kryeministri Edi Rama ka konsensusin e opozitës për të rregulluar ligjet “që nuk flasin shqip”, thotë kreu i grupit parlamentar të LSI-së Petrit Vasili, pasi Rama kërkoi mirëkuptimin me opozitën për kryeprokurorin e përkohshëm.
“Ka konsensus të plotë me opozitën dhe që nga sot le të kthehemi në Kuvendin e Shqipërisë dhe të rregullojmë ligjet e bëra copë-copë nga ai dhe suflerët e tij, që nuk flasin shqip”, shkruan në Facebook, Petrit Vasili.
Në një status në Facebook, Vasili thotë se shteti ligjor është në rrezik, pasi “kryeministri kërkon të vjedhë kryeprokurorin”. Ai argumenton se shërbimi juridik i Kuvendit shpjegon qartë se duhen 84 vota.
Statusi i plotë
Kryeministri do qe te vjedhe kryeprokurorin, shteti ligjor ne rrezik.
Ky kryeministri flet dhe thote: s’e paska qartësisht të drejtën ta zgjedhe prokurorin e përkohshëm.
Kush ia dha kete te drejte narkotrafikanteve? Ky nuk ka asnje te drejte as Kushtetuese as Ligjore.
Kuvendi i Shqiperise, sherbimi i tij juridik shpjegon qarte dhe me shkrim se duhen 84 vota.
Ku i ka kryeministri 84 vota?
Apo shpjegimet qe nuk i pelqejne nuk i mban mend, i mohon, i refuzon?
Ka konsensus te plote me opoziten dhe qe nga sot le te kthehemi ne Kuvendin e Shqiperise dhe te rregullojme ligjet e bera cope-cope nga ai dhe sufleret e tij, qe nuk flasin shqip.
Ndryshe, ne se e zgjedh vete kryeprokurorin, ky kryeminister shnderrohet perfundimisht ne bandit politik dhe mazhoranca e tij ne nje shumice kriminale antiligj dhe antishtet.
Ndaj ketij banditizmi ka vetem nje pergjigje: permbysje pa asnje hezitim me cdo mjet e menyre.
Shteti ligjor ne rrezik, kjo eshte emergjence kombetare!