Përmes një postimi në twitter, Kryetari i Bashkisë së Tiranës ka publikuar fotot e ceremonisë së vlerësimit për eksploruesin e madh të maleve Ibrahim Haçkaj, i cili një vit më parë u nda nga jeta duke lënë një mungesë të pashlyeshme për alpinizmin shqiptar.
“Nderova me çmimin “Mirënjohja e Qytetit” eksploruesin e madh të maleve Ibrahim Haçkaj! Largimi i tij një vit më parë, la një mungesë tek alpinizmi shqiptar, por familja e tij e mrekullueshme dhe shoqata e përkushtuar Dajti po çojnë më tej pasionin e misionin e tij”, shkruan Veliaj.
Vlerësimi i është dorëzuar bashkëshortes së tij, Pranverës, e cila është edhe motra e ish-kandidatit të PD për Bashkinë e Tiranës, Halim Kosova që humbi thellë përballë Veliajt në zgjedhjet e fundit vendore.
Mbi dy dekada përvojë, Ibrahim Haçkaj ka dhënë një kontribut të vyer në alpinizmin shqiptar.
Kampi Bazë Everest – viti 2004 (6200 metra)
Mont Blanc France – viti 2008 (4810 metra)
Kilimanjaro Afrike – viti 2010 (5898 metra)
Elbrus Rusi – viti 2011 (5642 metra)
Mont Everest Kine – viti 2012 (8848 metra)
Mont Dufour Zvicër – viti 2012 (4634 metra)
Dom Zvicër – viti 2013 (4545 metra)
Aconcagua Argjentine -viti 2014 (6962 metra)
o.j/dita