Ditët e fundit po artikulohet mendimi që një pjesë e aksioneve të kësaj kompanie të shkojë në duar të kompanive që janë afër qeverisë. Burime pranë kompanisë së shpërndarjes së energjisë bëjnë të ditur se situata e CEZ është e rëndë dhe kjo kompani do të bëjë të gjithë përpjekjet për të mos u larguar nga vendi, së paku jo derisa të rikuperojë humbjet e regjistruara gjatë operimit të saj në tregun shqiptar. Në këtë dritë CEZ tashmë ndodhet në mes dy zjarresh, atë të heqjes së mundshme të licencës nga ERE, (por që nuk e përjashton nga mundësia për ta rinovuar atë) dhe gjyqit që do të zhvillohet në Pragë mes kësaj kompanie dhe Ministrisë së Ekonomisë, Tregtisë dhe Energjetikës.
Në fakt shteti shqiptar nuk e ndalon dot CEZ-in që të operojë në treg, pasi heqja e licencës nuk do të thotë domosdoshmërisht ikje e tyre nga vendi ynë. Por nuk përjashtohet mundësia që në rrjet të futet dhe një kompani tjetër, duke mos qenë më monopol sic është deri tani. Një mundësi tjetër që artikulohet është që shteti të marrë një pjesë te aksioneve të 76 për qindëshit që ka CEZ. Dhe kjo lidhet me borxhin që CEZ i ka KESH për mos importimin e energjisë që është detyrim i CEZ. Një skenar i mundshëm deri tani është që ERE do të vendosë një administrator deri në shpalljen e vendimit të Gjykatës Ndërkombëtare të Arbitrazhit, që pritet të shkojë një proces deri në gjashtë muaj. Tashmë flitet që sipërmarrje të tilla si Calik apo ndonjë kompani kroate por që ka bashkëpunimin e administratorëve të TEG po bëjnë përpjekje për të blerë aksione të CEZ duke shkuar drejt një privatizimi të ri si ai i Albetrol.
Keto dhe te tjera – ne numrin e sotem ne DITA
1 Comment
Ne vend te CEZ, do ulet Sandri dhe Samir Mane si administrator, por me pronar 3 muksetjeret e mafies dhe te korrupsionit qeveritar Berisha-Bode-Ruli