Liana Barrientos, një 39-vjeçare nga Manhattani, por me origjinë nga Republike Domenikane, brenda 11 viteve është martuar 10 herë, pa mundur që të divorcohej kurrë nga asnjëri prej partnerëve. Ia kishte arritur që të arratisej shumë herë, por kur ra në gjurmët e një detektivit, ky i fundit arriti që ta demaskonte.
Se si ia kishte hedhur kaq lehtë deri në këto momente, kjo mbetet një mister por tani ajo do të përballet me gjykimin e Gjykatës së Lartë në Bronx për 10 martesat e saj. Të fundit e ka bërë në vitin 2010 dhe kurrë nuk ishte divorcuar nga asnjëri prej burrave të saj ligjorë. Kjo “nuse seriale”, sa herë që i kërkohej certifikata e martesës, ajo ndërhynte në rrjet për të ndryshuar të dhënat e saj, duke “provuar”, që nuk ishte martuar kurrë në jetën e saj. Tani për çdo akuzë rrezikon maksimumi deri në 4 vjet burg.
Paaftësia e saj për të thënë “Jo’, altarit të martesës. Dedektivi i çështjes ka mundur që të zbulojë të paktën 9 certifikata martese të kërkuara nga Liana, gjashtë prej të cilave ishin lëshuar në vetëm gjashtë muaj. I pari daton në 5 nëntor, 1999. Megjithatë në atë kohë, nuk është se ajo rezulton e papërlyer për sa i përket veprave penale. Në vitin 1997 u arrestua në Manhattan për posedim të lëndëve narkotike. Në 2007 dhe 2010 pati të tjera telashe me drejtësinë, ndërsa në 2012 u arrestua sërish për posedim droge. Me një aktivitet kaq të shumë kriminal, nuk ishte e vështirë për atë që të futeshe në telashe.