Sipërmarrjes private në Shqipëri i ka mbërritur “thika në palcë”. Kriza që po kalon biznesi, vështirësitë e përditshme për mbijetesën në këtë treg ku konsumi po ulet cdo ditë e më shumë, ka cuar në grupimin e sipërmarrësve në një zë të vetëm për të dalë me kërkesa të vecanta, duke e parë si të vetmen formë të mbijetesës së tyre. Këtë radhë pa pritjen në një rrjeshtim apo tjetër të kampit politik, sipërmarrja kërkon që kushdo qoftë ajo forcë politike që do të qeverisë vendin të marrë në konsideratë pretendimet e tyre, në të kundërt ecuria e biznesit do të jetë një pikpyetje e madhe mbijetese apo falimentimi. Kështu dje në mbledhjen e Kryesisë së Dhomës së Tregtisë dhe Industrisë, bizneset kërkuan përfshirjen në programet elektorale dhe zbatimin e tyre nga qeveria e ardhshme të shlyerjes së të gjitha detyrimeve që shteti ka ndaj sipërmarrësve, përfshirë rimbursimin e taksave brenda një afati tre mujor. “Shlyerja e detyrimeve të qeverisë ndaj sipërmarrjes private në të gjitha fushat e ekonomisë ku ekziston kjo marrëdhënie. Rimbursimi i TVSH, akcizave si dhe të gjithë taksave të tjera që buxheti i shtetit mund t’i ketë sipërmarrjes private gjate ushtrimit te aktivitetit te saj brenda afatit 3 mujor. Kjo te realizohet duke bërë ndërhyrjet e nevojshme ligjore”. Këto ishin disa nga kërkesat e biznesit që erdhën të formësuara nga kryetari i Dhomës së Tregtisë dhe Industrisë Tiranë, Nikolin Jaka.
Kërkesat për përfshirje në programet elektorale:
1. Shlyerja e detyrimeve ndaj biznesit
2. Rimbursimi i TVSH brenda një afati prej 3 muajsh
3. Ulje e barrierave për të rritur eksportet
4. Heqja e referencave me të gjitha vendet e BE
5. Heqja e referencave në sistemin fiskal
6. TVSH jo më e lartë për bujqësinë dhe shërbimet turistike
7. Hapja e Bankës Ekonomike për kreditimin e biznesit
8. Heqja e TVSH për të gjitha pajisjet që i shërbejnë biznesit
9. Aplikimi i TVSH në qarkullimin tregtar duke hequr kufirin e ndarjes së bizneseve
10. Platformë për trajtimin e kredive të këqija
11. Heqja e TVSH për bileta dhe abone, heqja e akcizës së naftës etj
12. Heqja e TVSh-së për të gjithë artikujt që shërbejnë si lëndë e parë për prodhimin e plasmasit dhe produketeve të tjera që janë në shërbim të sektorit bujqësor
Sugjerimet për promovimin e biznesit:
1. Përcaktim i sektorëve prioritarë të ekonomisë
2. Rritja e partneritetit publik-privat
3. Përjashtimi i sipërmarrjeve të reja nga tatim fitimi për tre vjet
4. Përjashtimi i sipërmarrjeve të reja nga dividenti për tre vjet
5. Ligje për mbrojtjen e biznesit
6. Garantimi i infrastrukturës për bizneset e reja
7. Matje e performancës së administratës tatimore dhe doganore duke u bazuar te vlerësimet e biznesit
8. Strukturimi i sistemit tatimor në Qarkun e Tiranës
9. Politika për punësimin e të rinjve
10. Mundësimi për eksport i të gjithë produkteve ushqimore drejt vendeve të BE-së brenda një periudhë 12 mujore.
11. Zbatimin e ligjit urbanistik lidhur me ndërtimet pa leje brenda vitit 2013.
12. Qeveria shqiptare që brenda vitit 2013 të miratohen të gjitha planet rregulluese të bashkive dhe komunave në të gjithë territorin e Shqipërisë.