Vajza e quajtur Nishi Uggalle i impresionoi të gjithë me nivelin e saj të inteligjencës, ndërsa në fund u shpall fituese përballë djalit 11-vjeçar, William Harwood.
12-vjeçarja u tregua e jashtëzakonshme në pyetje nga fusha të ndryshme, ku përfshihej shkenca matematika dhe drejtshkrimi.
Prindërit e vajzës janë me origjinë nga Sri Lanka. Babai i saj, Neelanga Uggalle, punon si IT dhe njëkohësisht është zëvendëspresident i bankës “Barclays”. Ndërsa nëna e saj, Shiromi Jayasinghe, është kontabiliste. Ata ishin pjesë e audiencës dhe ishin një mbështetje e madhe gjatë gjithë kohës për vajzën gjeni.
Pasi triumfoi në këtë konkurs inteligjence, vajza mbajti edhe një fjalim mjaft emocionues, duke u shprehur se ishte bërë pjesë e këtij konkursi për të thyer stereotipat mbi vajzat.
“Një nga arsyet kryesore pse u futa në këtë konkurs ishte të tregoja se ka shumë stereotipa për vajzat, se ato nuk janë të afta në shkenca ekzakte, në matematikë apo fizikë. Doja të tregoja se kjo gjë nuk është aspak e vërtetë”, u shpreh 12-vjeçarja, e cila duket se ia ka arritur më së mirë qëllimit të saj.
e.t./dita
Vetëm se Albert Einstein nuk ka kryer asnjëherë një test inteligjence, aq më pak një Mensa Test. Në 2015, ishte 12 vjecarja Lydia Sebastian që arriti 162 pikë tek i njëjti test (maksimalja), në 2017 ishte 11 vjecari Narnav Sharma që realizoi po 162 pikë. Mendohet se Einstein dhe Hawking e kishin 160 koeficentin e inteligjencës. Këta të fundit ndryshuan perceptimin e njerëzimit për Tokën dhe Universin, mendoni se “gjenitë” e testit Mensa do bëjnë të njëjtën gjë ? Koeficenti inteligjencës nuk tregon “gjeniun”
Pas Einsteinit vjen vetem gjeniu Genc Cakaj dhe pas tij nja 5000 km vijne te tjeret!