Skuadra e Interit është mundur nga Atalanata në Giuseppe Meazza me rezultat 2-1. Musafirët kaluan në epërsi në pjesën e parë me anë të Giacomo Bonaventura (35’). Mirëpo, Mauro Icardi reagoi shumë shpejtë për ta barazuar rezultatin (36’) dhe skuadrat shkuan në pushim me shifra të njëjta.
Në fraksionin e dytë, përkundër tentimeve, rasteve dhe shtyllave, Nerazzurrët nuk arritën të realizojnë. Për më shumë, ata pranuan gol në mbyllje të sfidës. Giacomo Bonaventura realizoi golin e dytë personal (90’) dhe e la kokulur skuadrën vendase.
Pas javës së 29-të, Interi numëron 47 pikë dhe gjendet në vend të pestë. Pozita që çon në Ligën e Kampionëve është 11 pikë larg (kurse Napoli ka një ndeshje më pak të zhvilluar).
Atalanta, nga ana tjetër, është në vend të tetë, me shtatë pikë më pak se zikaltrit.