Nisur nga denoncimi i bërë publik sot në rrjetet sociale, Drejtoria e QSUT-së njofton se ka pezulluar nga detyra punonjësen e sistemit të kujdesit shëndetësor me iniciale F. K., deri në zbardhjen e plotë të rrethanave të ngjarjes nga grupi i punës që është ngritur për këtë qëllim dhe organet kompetente.
“Duke marrë shkas nga akti i sotshëm qytetar i denoncimit publik të këtij rasti të dënueshëm korruptiv të mitmarrjes, si dhe duke vlerësuar angazhimin e qytetarëve si partnerë të rëndësishëm në zhvillimin dhe përmirësimin e shërbimit tonë spitalor, Ministria e Shëndetësisë i bën thirrje dhe nxit çdo qytetar të këtij vendi që të jetë pjesë aktive e bashkëpunimit të ndërsjelltë për denoncimin e çfarëdolloj akti korruptiv, me të cilin ata ndeshen gjatë ofrimit të shërbimit të kujdesit shëndetësor”, thuhet në njoftimin për mediat.
Këta ministrorët shëndetsorë kapin vetëm ata të korruptuar që kapin të tjerët se vetë si ministri aha…!? Dhe, kur e kapin të tjerët, vini re,-dalin e bërtasin sikur e kanë kapur vetë!!! Kësaj i thonë “dhëntë e dhitë e zeros, nami i hasan qeros”! Tung!