Mirëdita z.Thano! Kam disa pyetje të rëndësishme dhe jo të rëndësishme për Halim Kosovën.
Të rëndësishme:
-Nëse i ul taksat dhe nëse pushteti qendror (qeveria Rama) nuk ju jep fonde, si do të mund të mbash premtimet?
-Me çfarë të ardhurash do të mund të kryesh investimet? Me cilin staf do të mund të arrini ato që keni në mendje?
-Sa njerëz nga ky staf do të pushosh nga puna, duke qenë se paaftësia e tij është tashmë e vërtetuar?
-A do të qëndrojë në staf kryedrejtori i bashkisë Taulant Zeneli (specialist i PD-së i ardhur nga Bradasheshi)?
-A do të kërkoni specialistë nga rrethet për të zbatuar programin tuaj?
-Sa mundësi (fuqi) keni të shkarkoni militantët e PD-së të cilët sipas këndvështrimit tuaj nuk mund të zbatojnë programin tuaj?
-A do të vazhdojë të jetë nënkryetar bashkie zoti Enno Bozdo nëse ju fitoni?
-Pse duhet që qytetari i Tiranës të votojë një model, ku stafi ecën njëtrajtësisht (njëkohësisht) me politikën e partisë opozitare të gjetjes së problemeve tek pushteti qendror?
-A jeni Ju njeriu i vetëm që mund t’i bëni të bëshme të tëra premtimet sepse me drejtorët aktuale dhe “specialistët” militantë rezultatet janë më se të dukshme?
-A bëhen dhe zbatohen projektet me militantë partie?
A do të jetë pjesë e suksesit tuaj zoti Florenc Hoxha?
-Sa probleme emergjente dhe sa të pritshme keni evidentuar deri tani?
-Kur ka munguar asfalti elektoral (por jo vijëzimet elektorale rrugore), si do të jetë e mundur që gjendja e rrugëve të ndryshojë brenda 3 muajve të parë të drejtimit tuaj?
-A do të lironi nga qiratë asetet e Bashkisë të cilat janë dhënë për kafe-restorant?
-Çfarë do të bëni me këto asete?
-Në çfarë zone mendoni se mund të bëhen ndërtime?
-Në ç’drejtim duhet të zhvillohet Tirana?
Disa pyetje më pak të rëndësishme:
-Kush votë do t’ju dukej më e ëmbël, ajo e militantëve fanatikë “antikomunistë”, apo e qytetarëve të mençur që besojnë në profilin tuaj?
-Si tirons i vjetër, ç’mendim keni për të ardhurit e mbas viteve 90-të?
-Po atyre të mbas 50-ës?
-A do të jeni kryetar Bashkie me kohë të plotë apo do ta ndani kohën mes zyrës së Bashkisë dhe spitalit tuaj privat?
-A jeni Ju për lindjen e natyrshme apo për lindjen me operacion?
-Sa kushtonte në klinikën tuaj lindja e natyrshme dhe sa ajo me operacion?
-Sa nëna kanë pasur lindje të natyrshme me Ju?
-Sa gra keni shpëtuar nga vdekja?
-A është e ndershme t’ua kujtoni “heroizmin” tuaj në këmbim të reklamës elektorale?
-Sa fëmijë keni lindur deri më sot?
-A keni një listë të tyre dhe a do t’ua kërkoni votën?
-Cili është motivacioni nëse ndodh?
-Përveç projektit të shtimit të lindjeve, a keni ndonjë projekt tjetër?
-Duke qenë se jeni mësuar me njëfarë tarife në maternitet, a do të qëndroni në të njëjtat shifra?
-A ju shkon përshtat fjala e urtë: “Qengji i urtë pi në dy nëna”, apo mos rastit të kandidimit tuaj i shkon për shtat fabula e kecave me ujkun?
-A mund të merret si shembull ndihma e mikut tuaj zviceran për bashkëpunimin në biznes?
-Si funksionoi ky bashkëpunim duke ia shpjeguar njeriut të thjeshtë i cili punon si nëpunës dhe ka dëshirë të krijojë biznesin e vet?
-A ka emër dhe mbiemër ai miku i mirë zviceran i cili ju ndihmoi në financimin e ndërtesës së klinikës private?
Dërguar nga adresa