25 vjet diktaturë dhe 25 vjet demokraci

(Vijon nga data 26 Dhjetor 2015 – pjesa e dytë)

Në të gjitha frontet,
po ngrihej e mira,
për pak vjet u bënë,
vërtetë mrekullira!
 
S’kemi kohë t’i themi,
gjithë mrekullitë,
se viti që jemi,
soset për dy ditë.
 
Nuk mjaftojnë dy ditë,
për gjithë të vërtetat,
si për katër vjet,
u thanë gjithë kënetat!
 
Kënetat u thanë,
ky qe veç fillimi,
se më pas do sosej,
gjithë bonifikimi!
 
Kanale pa fund,
qindra hidrovore,
qe bonifikimi,
vepër madhështore!
 
Dhe ahere binte,
shi me suferinë,
po kurrë të përmbytur,
s’e pamë Shqipërinë!
 
Nga toka në det,
derdhej gjithë shiu,
po bonifikimin,
e prishi Saliu!
 
Diktatura jetën,
e çoi dhe në male,
hapi në çdo anë,
shkolla dhe spitale!
 
Shkolla dhe spitale,
hapi në çdo anë,
dhe çdo gjë krejt falas,
qe për fukaranë!
 
Një nga një Atdheut,
po i iknin rrudhat,
që në Pesëdhjetën,
nisën hekurudhat!
 
Plot shekuj të humbur,
shqiptarët i kapën,
me dhjetëra miniera,
nëpër male hapën!
 
Diktatura qe,
çudi e vërtetë,
se pas çdo miniere,
ngrinte një qytet!
 
U bënë krejt të reja,
me dhjetëra qyteza,
që sot janë shkretuar,
dhe nxijnë si varreza!
 
Ku kish veç kasolle,
u ngritën pallate,
uzina-fabrika,
edhe kombinate!
 
Që për çdo njeri,
të kishte një punë,
po zjarrin dhe kazmën,
salizinjtë u vunë!
 
Fill mbas Nëntëdhjetës,
Sala me taborre,
bëri më shumë dëme,
se Lufta Botërore!
 
Ky gjarpër i zi,
e helmoi gjithë tokën,
po s’u ndodh një burrë,
që t’i priste kokën!
 
Po t’i qe prerë koka,
gjarprit të zi,
në bishtin e Botës,
s’do ishim tani!
 
Këtu u bënë dëme,
nga më kolosalet,
mbetën pa u prishur,
veç hidrocentralet!
 
Plastë kush e shan,
atë lloj regjimi,
kryevepra ishte,
elektrifikimi!
 
Them-hidrocentralet,
na ruaj-o Zot,
se të diktaturës,
kemi edhe sot!
 
Që të gjithë i kemi,
nga koha e vjetër,
se këta palaço,
s’ngritën asnjë tjetër!
 
Diktatura vendin,
e nxori prej territ,
dhe sot kemi ende,
shtyllat e Enverit!
 
Vetëm ato kemi,
për gjë tjetër s’flitet,
sa i gjithë shteti,
rreth tyre vërtitet!

(Vijon nesër pjesa e tretë)