28 faqet që mund të ndryshojnë këndvështrimet për sulmet e 11 shtatorit

Një grup dypartiak kongresistësh amerikanë është takuar me familjarët e viktimave të 11 shtatorit për të dyfishuar përpjekjet dhe të deklasifikojnë 28 faqet e një hetimi të Kongresit për sulmin më të madh terrorist kundër Shteteve të Bashkuara.

“Nuk është më sekret që 28 faqet e raportit i drejtojnë gishtin qeverisë së Arabisë Saudite, si aktorja kryesore e sulmeve terroriste”, tha ish senatori demokrat i Floridas, Bob Graham. “Presidenti George W. Bush censuroi 28 faqet e këtij raporti”, tha ai.

Raporti në fjalë titullohet “Hetimi i përbashkët mbi aktivitetet e inteligjencës para dhe pas sulmeve terroriste të 11 shtatorit 2001” dhe u realizua nga komiteti i Dhomës dhe Senatit të SHBA-së në dhjetor 2002.

“Pozicioni i qeverisë së Shteteve të Bashkuara ka qenë mbrojtja e Arabisë Saudite”, mbështet ish senatori Graham.

Nga ana tjetër, Arabia Saudite ka mohuar në mënyrë kategorike çdo lloj përfshirjeje në atentate.

“Kur qeverisë së Shteteve të Bashkuara iu kërkua që të mbante një qëndrim, ajo mori një pozicion kundër interesave të qytetarëve amerikane që kërkojnë drejtësi dhe mbrojtjen nga një qeveri që sipas mendimit tim është përgjegjësja kryesore e atij rrjeti”, tha Graham duke iu referuar Arabisë Saudite.

Terry Strada, e shoqatës “Familjet e 11 shtatorit të bashkuara për drejtësi”, burri i të cilës u vra në sulmin ndaj Kullave Binjake, do që këto faqe të bëhen publike.

“Dua të di nëse Arabia Saudite, një vend që supozohet aleati ynë, jo vetëm që financoi Al Kaedan dhe sulmin më të keq terrorist në tokën amerikan, por ishte gjithashtu instrumentistja e krijimit të një rrjeti terrorist në të gjithë botën”, tha Strada për grupin e mbledhur në Capitol Hill.

Arsyetimi për klasifikimin e faqeve ishte se, nëse informacioni bëhej publik ai do të pengonte përpjekjet e SHBA-së për të zhvilluar një politikë të jashtme dhe për të luftuar terrorin. Dymbëdhjetë vjet më vonë, zërat në rritje thonë se publiku ka të drejtë të dijë.

“Unë nuk e kuptoj se si ju mund të bëni një politikë të fortë të jashtme, kur po përpiqeni t’i fshihni të vërtetën popullit amerikan”, tha një bashkëautor i projekt-ligjit për të deklasifikuar raportin.

Nëse informacioni bëhet publik, mund t’u japë të drejtë familjarëve të viktimave të 11 shtatorit që të padisin Arabinë Saudite në gjykatat amerikane.

Presidenti Obama thuhet se ka u thënë anëtarëve të familjes së viktimave se ai do ta bënte publik atë informacion, megjithatë ende sot pas 6 vjetësh qëndrimi në detyre, ato faqe nuk janë deklasifikuar.