Më shumë se 2000 emigrantë dhe refugjatë janë shpëtuar nga brigjet e Libisë që shënon një nga operacionet më të mëdha. Thirrjet për ndihmë erdhën njëkohësisht nga mbi 20 varka, raporton agjencia e lajmeve AFP.
Dy anije të marinës italiane u përfshinë në përpjekjet për shpëtim të së shtunës. Duke iu përgjigjur SOS-it të një varke druri në rrezik mbytjeje, “Cigala Fulgosi” arriti të shpëtonte 507 persona, ndërsa “Vega” plot 432 të tillë, bën të ditur Marina e Italisë.
Në operacion janë përfshirë edhe anije të tjera të vogla italiane, ashtu sikurse dhe anija luftarake norvegjeze “Siem Pilot”, e cila është dislokuar në ujërat e Mesdheut si pjesë e misionit të patrullimit “Triton” të Bashkimit Evropian. Një anije, që i përket grupit humanitar të “Mjekëve pa Kufij” shpëtoi 311 emigrantë përfshi edhe një fëmijë të sapolindur.
Më shumë se 2000 njerëz kanë humbur jetën nëpër ujërat e Mesdheut, në përpjekje për të mbërritur në Evropës dhe varka të mbingarkuara.
Kanali kryesor i trafikimit të refugjatëve apo emigrantëve të paligjshëm është ai mes Libisë dhe Italisë, një prej më të ngarkuarve gjatë kësaj periudhe vere, si dhe më i preferuari i trafikantëve për t’i kaluar klandestinët në Evropë.
Sipas OKB-së nga 264 mijë e 500 emigrantë që kanë kaluar Mesdheun gjatë këtij, rreth 104 mijë kanë zbritur në territorin italian, ndërsa 160 mijë të tjerë janë dërguar në Greqi.
Po Italianet çte semes duan qe shkojne i hpetojne afer brigjeve libiane?
Ata tallin k me italianet. Sa nise japin sinjalin sos dhe vijne italianet i marrin e e kan te sigurt kalimin e detit…