Tre kilogramë ar të pastër atij që vret ambasadorin amerikan në Jemen, Gerald Feierstein, dhe 23 mijë dollarë për këdo që eliminon një ushtar amerikan.
Kjo është oferta më e fundit e degës së Al Kaedës në Gadishullin Arabik (AQAP) .Oferta është bërë përmes një videoje të titulluar “Xhihadi i një kombi”, përmbajtja e të cilës është shpërndarë nga SITE, rrjeti amerikan për mbikëqyrjen e faqeve islamike.
Oferta e terroristëve islamikë është e vlefshme për gjashtë muaj dhe ka për qëllim “nxitjen e kombit dhe zgjerimin e rrethit të xhihadit edhe në masat popullore”, thuhet në video. / Përgatiti: G. S.