Qeveria ka miratuar listën e re të barnave të rimbursueshme, në të cilën janë shtuar 36 medikamente.
Këto 36 medikamente trajtojnë diagnoza të ndryshme, ndër të tjerat leuceminë dhe kancerin.
Ministrja e Shëndetësisë, Ogerta Manastirliu, tha se në listën e barnave të rimbursueshme futet për herë të parë Herceptina.
“Kemi 36 barna të reja për sëmundjet kronike, dhe për herë të parë futet Herceptina, që i jep zgjidhje trajtimit total për gratë me kancer gjiri.”
Për herë të parë në këtë listë gjenden gjithashtu edhe medikamente për trajtimin e demencias dhe alzhaimerit, sëmundje të cilat nuk kanë qenë të përfshira më parë në listë për t’u trajtuar.
Nga lista e barnave të rimbursueshme përfitojnë rreth 500 pacientë në vit.
s.a/dita