Në fund të muajit prill në Shqipëri do të zhvillohet një nga eventet më të rëndësishme në sportin e shahut, Kampionati Botëror i Shkollave.
Në një intervistë për “TemA Tv” zëvendëspresidenti i Federatës së Shahut, Erald Dervishi, deklaron se do të marrin pjesë 400 shahistë nga e gjithë bota.
Durrësi do të bëhet mikëpritës i Kampionati me një total prej 600 personash të ftuar dhe organizatorë.
“Kemi disa grupe fëmijësh aktualisht të cilët ndjekin me trajnerë të personalizuar, të cilët po prodhojnë dhe rezutlate me grup moshat në eventet ndërkombëtare. Kemi 2-3 nxënës të cilët realisht mund të prodhojnë dhe rezultate në këtë event ndërkombëtar, por çdo gjë është për t’u parë dhe për t’u ndjekur me vëmendje” – theksoi Dervishi.
n.s. / dita