Përfundon takimi mes Presidentit Ilir Meta dhe kreu të PD Lulzim Basha në zyrën e kreut të shtetit.
50 minuta kanë qëndruar “kokë më kokë” Meta e Basha, ndërsa menjëherë pas takimit dy liderët janë ndarë me njëri-tjetrin duke u takuar me grusht, për shkak dhe të situatës së Covid-19. Menjëherë pas takimit asnjë nga palët nuk ka folur për mediat.
Ky takim i papritur në selinë e kreut të Shtetit vjen një ditë pas ndryshimeve kushtetuese që u miratuan nga Komisioni i Ligjeve, sipas të cilave në zgjedhjet e ardhshme ndalohen koalicionet dhe hapen pjesërisht listat e kandidatëve për deputetë.
Këto ndryshime shkaktuan reagimin e aktorëve politikë vendas por dhe ndërkombëtarëve. Tashmë pritet se çfarë vendimi do të marrë kreu i demokratëve Lulzim Basha, pasi dhe aleatët i kanë kërkuar që të reagojë sa nuk është vonë për ndryshimet në Kushtetutë.
l.h/ dita
Sa here takohen keta te dy ,nxjerrin pengesa per reformen ne drejtesi keta dhe Edvini jane kokat e mafjes ne SHqiperi.Mjere populli qe I voton keta mafioze.