Ja kush duhet varur kokëposhtë në Shqipëri!

(Shqiptarët janë në mëshirën e kriminelëve të politikës!)

Ndofta dhe qindra mund të vriste,
më i egri tërmet,
se këtë çast po përgatiste,
një kastë për Tridhjet’ vjet!

Tërmetit s’ka ç’i bën njeriu,
ndaj ka pllakosur frika,
porse këtij i parapriu,
çdo ditë politika!

Po ne nuk ngrihemi nga balta,
një tufë me dele jemi,
sepse në postet më të larta,
gjithë kriminelët kemi!

Unë jam poet me shumë ndijim,
as dhe një mizë s’kam vrarë,
po këta kërma pa dallim,
do varja në litar!

Sala i pari-me meritë,
trikëmbshin do provonte,
dhe Edi Rama nga kjo ditë,
nuk kish pse të shpëtonte!

I dyti dhe pa diskutim,
Iliri i Monikës,
ka Tridhjet’ vjet si një malinj,
në tru të politikës!

Si del bërtet e ulëret,
dhe shan një Botë të tërë,
kur pa mëshirë vendit të vet,
hatara i ka bërë!

Ai këtu çdo ditë ka qenë,
kreu i “të mëdhenjve”,
dhe vulë çelniku i ka vënë,
kohës së maskarenjve!

Trikëmbësh të padiskutuar,
Lulit të Shtëpisë Qendrore,
që në drejtim ka konsumuar,
gjithë krimet njerëzore!

Ky Uriahip që nuk ka shokë,
duket se s’ka të tutur,
kur njëqind pashë ndënë tokë,
duhet ta kishim futur!

S’do kem mëshirë për Luan Ramën,
një kalë që s’mban kapistër,
që vogëlush e mori famën,
gjer katër herë ministër!

Tani qenka opozitar,
që hedh pa fund shigjeta,
ndaj do t’i shkonte një litar,
ngjitur me shokun Meta!

Jemi që jemi te LSI-ja,
kërkojmë në kanistër,
ku debilllëku-idiotësia,
ka qenë tri herë ministër!

Për Tit Vasilin e kam fjalën,
një super qesharak,
me Nanon-Ramën edhe Salën,
ka ngrënë në një çanak!

Nuk mundet kurrë ta krahasonim,
këtë lloj matrapik,
me ligj duhet t’ja ndalonim,
çdo dalje në publik!

Nuk mund të jem sot deçiziv,
për gjithë krerët e shteti,
po për ata që janë aktivë,
në ditët e tërmetit!

Lista është goxha e gjatë,
sa të lot mendje e kokës,
po dy trikëmbsha si dhuratë,
Dash Shehit dhe Nard Ndokës!

Jo se dallojnë mbi të tjerët,
në vjedhje dhe skandale,
por janë sot edhe më herët,
shushunja proverbiale!

S’i mund ta fal Shpëtim Idrizin,
dhe Dulen natyrisht,
në kryq do qenë si Barabaja,
dhe jo si zoti Krisht!

Agron Dukën do shpëtoja,
jo se mund të jemi fis,
është i kristaltë do të thoja,
po SHQUPI e bëri pis!

Nanon aspak s’e kam harruar,
s’u duk tek ky tërmet,
po ai punë ka mbaruar,
ka varur veten vetë!

Trikëmbshin afër do ta ketë,
kush rron me politikën,
po meqë vara shokun Metë,
po e kursej Monikën!

Po jam në hall me Edi Ramën,
se është shumë inç,
kur s’ke trikëmbësh aq të lartë,
marrim në ndihmë një vinç!

Dhe nga Rilindja ky mjafton,
më thotë dhe shoku Mero,
sepse aty po hoqe Ramën,
gjithë mbetja të del zero!

Edhe për sot i mbylla varjet,
se dhe litari s’del,
i medias jam-s’çaj kokë nga sharjet,
se jam një “kriminel”!

Këta janë “kokat” që ne kemi,
të gjithë super aktivë,
po ca fatzinj neve jemi,
se s’ka alternativë!

Unë bëra varje virtuale,
asnjë në të vërtetë,
po s’u pastruan këto hale,
aty do jenë përjetë!

Se bukur i kanë ndrequr ligjet,
që gjatë të mbijetojnë,
që as dhe njeri të mos digjet,
po veç të qarkullojmë!

Sa të kenë jetë do t’i kemi,
të rinjtë dhe të vjetrit,
e vazhdimisht do të zënë,
vendet e njëri-tjetrit!

Dhe do na bëjnë në vijim,
edhe më shumë fërtele,
se neve jemi pa dyshim,
të bindur porsi dele!

Po ka një rrugë që të shpëtojmë,
paq nga ky film horror,
në atë ditë kur të fillojmë,
tërmetin shoqëror!

A.DUKA