Nëntë shtetas nga Nepali që kanë ardhur në vendin tonë për t’u imbarkuar si marinarë në një anije tregtare janë zhdukur në Durrës.
Pas denoncimit të bërë nga administratori i agjencisë së lundrimit, të huajt janë shpallur në kërkim nga policia e Durrësit.
Burime policore bënë të ditur se më 9 mars shtetasit nga Nepali janë sistemuar në një hotel në Durrës, pas futjes në vendin tonë përmes pikës kufitare të Rinasit.
Mëngjesin e 10 mars-it, ata kanë dalë nga hoteli e nuk janë kthyer më. Kjo ka alarmuar personelin e hotelit dhe agjencisë, e cila ka bërë dhe denoncimin.
“Të zhdukurit” janë larguar nga hoteli pa marrë bagazhet me vete, gjë që ka shtuar dyshimet mbi fatin e tyre.
s.a/dita