Barazon Partizani, tifozët kërcënojnë me jetë gjyqtarin

Vllaznia dhe Partizani kanë marrë nga një pikë pa shumë vlerës, sidomos për vendasit, të cilët rrezikojnë seriozisht rënien nga kategoria. Mentor Mazrekaj u dha kryesimin të kuqve të mbetur me dhjetë lojtarë, në minutën e 68-të, por dhjetë minuta më pas Vukçeviç riktheu ekuilibrin që qëndroi deri në fund. Para golit të shënuar nga Partizani, gjyqtari Remzi Sadiku kishte nxjerrë nga loja Ibrahimin e të kuqve, me dy kartonë të verdhë. Në përfundim të takimit, tifozët e Partizanit, të njohur si grupimi Ultras Guerrils, kanë kërcënuar me jetë gjyqtarin Sadiku, me një deklaratë publike. “… njoftojmë se nuk mbajmë përgjegjësi për shëndetin e mafiozit, tendeciozit, të korruptuarit Remzi Sadiku… Që këtej e tutje do të ketë vetëgjyqësi, duke filluar nga Remzi Sadiku”, thuhet në deklaratën kërcënuese të tifozëve. Pika e marrë e barazon Partizanin me Laçin, ndërsa Vllazninë me Bylisin, por përherë e më tepër është kërcënuese Tirana, me fitoren e tretë radhazi. Në “Qemal Stafa”, bardheblutë përmbysën epërsinë e Besës, duke shënuar dy herë brenda pak minutave. Çelhaka shënoi një gol të shkëlqyer nga jashtë zonës në minutën e 13-të, por Gilberto barazoi në të 17-tën. Dy minuta më pas vjen goli i Kërçikut, që nuk u pasua nga të tjerë, edhe pse të dyja skuadrat patën raste, sidomos Tirana. Tri pikët e ngrenë Tiranën në vendin e dhjetë, vetëm një pikë poshtë zonës së shpëtimit, diçka thuajse e paimagjinueshme pak javë më parë.

KATEGORIA SUPERIORE

Java e 20-të

Të shtunën

Laçi-Teuta           2-1

Çela 31′, Nimani 60′ / Nika 93′

Lushnja-Bylis        2-0

Trashi 12′, Fonseka 88′

Kukësi-Flamurtari    3-2

Shameti 50′, Hysa 71′, Cikalleshi 80′ (p) / Lika 43′, Abilaliaj 85′

Skënderbeu-Kastrioti 2-0

Shkëmbi 43’, Pejiç 78’

Dje

Vllaznia-Partizani   1-1

Vukçeviç 78′ / Mazrekaj 68′

Tirana-Besa          2-1

Gilberto 17′, Kërçiku 19′ / Çelhaka 13′

Renditja

 N  Skuadra      P    Gol  F    B    H

1  Skënderbeu   41   30:15 12   5    3

2  Laçi         31   24:20 9    4    7

3  Partizani    31   19:15 9    4    7

4  Kukësi       30   20:20 8    6    6

5  Teuta        29   29:26 7    8    5

6  Besa         28   23:22 8    4    7

7  Flamurtari*  26   24:24 8    5    7

8  Bylis        23   19:19 5    8    7

9  Vllaznia     23   26:27 6    5    9

10 Tirana       22   10:18 6    4    10

11 Kastrioti    21   13:21 6    3    11

12 Lushnja      21   18:28 6    4    10

* Flamurtari -3 pikë