Daily Mail-Ritës: Bëj muzikë, jo zhveshje

E përditshmja britanike, Daily Mail, zakonisht është dashamirëse ndaj Rita Orës, këngëtares me origjinë shqiptare. Por në një shkrim të gjatë të publikuar ditën e djeshme, ajo thekson se vajza e një pronari pub-i shqiptar, po

e ndërton karrierën duke kërkuar vëmendje, jo duke bërë muzikë. Së fundmi Rita Ora do jetë pjesë e jurisë së “The Voice”, ku do marrë plot 500 mijë sterlina. “Është një alamet shume për Orën, që ka mbërritur si bebe këtu, pasi familja e saj u arratis nga Kosova, veçanërisht nisur nga fakti që ajo nuk është shumë e njohur për muzikën e saj (ka publikuar vetëm katër single deri më tani), por sepse tregon mbathjet apo takimet dhe sjelljet e rrezikshme me miq të famshëm,” shkruan gazeta. Shpesh Rita poston foto duke u puthur në buzë me këdo, që nga

Cara Delevigne e Kate Moss, deri tek Ellie Goulding. Rita ka lindur në Prishtinë në 1990. Babai i saj është Besnik Sahatçiu, biznesmen në Kosovë, tani pronar i një pub-i. Mamaja e saj, Vera, është psikiatre. Rita e ndërroi mbiemrin nga Sahatçiu në Ora, për ta pasur të lehtë shqiptimin. Emrin e ka marrë sipas Rita Hayworth, aktorja e preferuar e babait. Familja e saj u vendos në Londër në vitin 1991. Babai ka në pronësi pub-in Queen’s Arms, në veriperëndim të Londrës. “Ajo është e dashuruar pas selfieve. Poston qindra të tilla online, shpesh me mbathje apo me bikini- e ndonjëherë pa to fare,” shkruan gazeta. Por kjo e ka ndihmuar që të ketë një pasuri prej të paktën 3 milionë sterlinash (në rritje). Prej dy vitesh thuajse bën gjithçka tjetër, përveçse muzikë, shkruan Daily Mail. Në fund gazeta thekson se sido që të shkojë roli i saj në “The Voice”, diçka është e sigurt: “Ajo është një hit. Epo si është kjo punë, si do që të sillesh, dikush do të ketë gjithmonë diçka për të thënë, ndaj, Go Rita, Go.