Ivan Bogdanov është vetëdorëzuar në polici pas shpalljes në kërkim nga ana e policisë serbe. Huligani i njohur serb, i cili u fut në fushë gjatë ndërprerjes së ndeshjes Serbi-Shqipëri më 14 tetor 2014, tregon arsyen pse hyri në fushën e lojës.
Më pas, i riu është lëshuar nga policia pas një seance dëgjimore, edhe pse rrezikon 5 vjet burg nëse gjykohet për dhunë në manifestime sportive.
E përditshmja serbe ‘Kurir”, ka cituar fjalët e “Ivanit të tmerrshëm” gjatë marrjes në pyetje në polici: “Jam futur në fushë vetëm për një arsye. Doja të largoja dronin me flamurin e Shqipërisë së Madhe, – ka rrëfyer ai. – Kur e pashë më ngriti nervat dhe vendosa ta bëj sepse askush në ato momente nuk po lëvizte nga vendi”.
Pas shpalljes në kërkim, Bogdanov ka qëndruar i fshehur për rreth 4 muaj. Ai ishte bërë i njohur edhe më parë, kur në stadiumin “Marasi” të Gjenovës, kishte djegur flamurin shqiptar, duke shkaktuar ndërprerjen e ndeshjes Itali-Serbi.
Nga bythet qenka mire, sikur te ishte ne burgjet tona, do ta kishin knoq.