Neranxi denoncon shefin e Policisë së Kuçovës: Më kërcënoi me jetë

Ish-deputeti Nikollaq Neranxi ka denoncuar në Policinë e Vlorës, shefin e Policisë së Kuçovës, Vojo Peçi.

Neranxi thotë se ai e ka fyer dhe kërcënuar me jetë, ndërsa ka qenë në një drekë me miqtë e tij në Porto Palermo.

“Unë kam një shtëpi në Himarë dhe ngjitur me shtëpinë time është personi në fjalë.

Dje pas darke u largova për te makina.

Ai më kërcënoi nga lart, duke më fyer shumë rëndë”, ka thënë Neranxi për News 24.

Për këtë arsye ai e ka denoncuar atë, ndërsa nuk dihen ende arsyet e qarta të kësaj ngjarje.