Ku kalon vija ndarëse e 1913-s?

I nderuar lexues!

Me vendimet e Konferencës së Ambasadorëve në Londër me 1913 (foto) ku u caktua kufiri i Shqipërisë, vija ndarëse takoi në Malësinë e Gjakovës.

Pjesa më e madhe e saj mbeti brenda kufinjve të Shqipërisë së pavarur, por pjesa tjetër e Malësisë vazhdon jashte kufirit aktual shtetëror të Republikës së Shqipërisë, në disa vendbanime afër Gjakovës dhe Junikut.

Në jug shtrihet deri në Liqenin e Fierzës. Brenda Malësisë së Gjakovës shtrihen bajraqet historike të Krasniqes, Gashit dhe Bytyçit.

Malësia e Gjakovës shtrihet në lindje të Alpeve Shqiptare. Në kufinjtë e sotëm administrativ të Shqipërisë kjo trevë i takon rrethit të Tropojës.

Malësia e Gjakovës shquhet nga lumenjtë e saj, më i rëndësishmi është lumi i Valbonës.

Në veriperëndim të saj mbizotëron relievi kryesisht kodrinor, relievi malor, gropat e fundosura, nga të cilat më e madhja është ajo e Tropojës.

Vendbanimi më i madh i sotëm është qyteti i Bajram Currit.