Kryemadhi: Qëndresa e opozitës, shpëtimi i vetëm

Kryesia e LSI është mbledhur, pas publikimit të 16 përgjimeve të reja nga gazeta gjermane Bild.

Në vijim, kryetarja e kësaj partie ka thënë se këto përgjime vërtetuan se pas blerjes së votave qëndron vetë Rama, duke theksuar se në këtë moment, shpëtimi i vetëm për vendin është qëndresa e opozitës.

Ajo u shpreh: “Situata politike është tepër e rëndë. Shkaku i vetëm i një krize të tillë të shumëanshme është Edi Rama dhe rilindja. U provua hapur se Rama eshte kryeministër ilegjitim. U provua totalisht se zgjedhjet janë ilegjitime. U provua 100% vjedhja dhe manipulimi i zgjedhjeve.

Edi Rama personalisht në krye të masakrës zgjedhore. Dorëheqja e menjëhershme e Ramës e pashmangshme. Përfshirja e krimineleve u faktua katërcipërisht.

Blerja e votave damka e pashlyeshme e rilindjes. Kërcënimet me vendin e punës për votat praktike e pisët e rilindjes. Edi Rama kurrë më nuk mund të administrojë zgjedhje. Rama është shkaku sepse dështoi hapja e negociatave për anëtarësim në BE.

Kriminalizimi zgjedhjeve,i qeverisjes dhe korrupsioni i cfrenuar bllokuan integrimin. Largimi i Ramës detyrim per të shpëtuar Shqipërinë nga kaosi. Përcarja dhe konflikti i egër është synimi i vetëm i Edi Ramës.

Opozita është më e vendosur se kurrë që të mos bëjë asnjë hap pas në luftën e saj për rikthimin  e votës së lirë dhe për të pastruar rrënjësisht vendin nga krimi i organizuar,trafikantët dhe korrupsioni pa fre.

Qëndresa e opozitës është shpëtimi i vetëm përballë qeverisë dhe parlamentit të kriminalizuar’.

e.ll./dita