Të premten në orën 13:00 të mesditës do të zhvillohet një protestë për uljen e çmimit të karburantit. Sipas një njoftimi që qarkullon në media, në këtë orë, në autostradën Tiranë-Durrës makinat do të fikën në mes të rrugës.
“Protestë! Fike makinën!,”-thuhet në lajmërimin e protestës.
E gjitha vjen pas rritjes së çmimit të gazit për litër pasi është dyfishyar brenda një viti.
Në fillim të vitit 2021, gazi ishte nga 50-60 lekë për litër, por nga një vëzhgim në pikat e karburanteve rezulton se çmimi është rritur deri në 90 lekë për litër. Edhe nafta është shtrenjtuar sërish me 10 deri në 20 lekë për litër, duke ndikuar drejtpërdrejtë tek drejtuesit e makinave.
Ndërkohë lidhur me situatën, Konfederata e Industrive të Shqipërisë kanë paralajmëruar se kjo rritje rrezikon të marrë përmasat e një krize energjetike në vitin 2021-2022.
n.s. / dita
Ne SHBA brenda nje viti po e blejme gazin me 50% me shtrenjte. Jo fikje makinash se eshte budallallek, por shkurtimin e makinave private ne favor te transportit urban, bicikletave dhe ecjeve ne kembe.